立場新聞 Stand News

跟進嘉湖泥頭山 網傳被黑鄉「郁」 李月民不退縮:我做區議員都係有抱負

2016/9/13 — 19:55

李月民

李月民

候任立法會議員朱凱廸疑因跟進橫洲事件威脅到鄉事利益而受恐嚇,另一邊廂,網上盛傳有區議員因跟進天水圍嘉湖泥頭山事件,被「屏山黑鄉」恐嚇要「郁佢」,矛頭直指元朗嘉湖北區議員李月民。李月民對《立場新聞》證實,有朋友、其他區議員曾聽聞並向他轉達有關訊息,而其助理早前亦收到「匿名電話」,提醒他有黑社會「在立法會選舉之後會搞你」;但李月民表示不會因而卻步,會繼續跟進泥頭山問題,直言「我做區議員都係有一個抱負」。

近日網上流傳消息,針對「嘉湖山丘」事件,「屏山黑鄉都有恐嚇某位區議員,叫佢唔好咁串,咬住單野(嘢)唔放,唔係9月4立法會完左(咗)就郁佢,話夜麻麻出街,比人點錯相就唔好啦」。

元朗區議員李月民對《立場新聞》表示,不少朋友、同區區議員都曾向他轉達有關訊息。

廣告

接「溫馨提示」 近月放棄晚上緩步跑

李月民稱,上月曾揭發有競選車停泊於嘉湖山莊泥頭山附近的違法停車場,之後助理接到匿名電話,對方提醒李月民已影響到車場的收入,涉及每月幾十萬元,有黑社會的人會「在立法會選舉之後會搞你」,李月民視為「關心我的人畀我的溫馨提示」,不過,他近幾個月已放棄晚上到街上緩步跑。

廣告

李月民表示,因為他不是直接收到恐嚇訊息,所以未有報警,「點報警啫,全部都係聽聞」。

縱然收到威脅訊息,李月民說不影響他繼續關注泥頭山問題,而嘉湖山莊的泥頭山問題,亦代表示新界區堆泥的情況,「我做區議員都係有一個抱負或者有一個使命要去做嘢,如果畀人哋咁樣嚇一嚇我哋就退的時候,咁我覺得,呢個一定唔係李月民」。

曾收恐嚇信「叫你屋企人要小心」

李月民又稱,在元朗區議會工作,亦不時面對鄉事派議員的「豪言」,如「再嘈嘅話,搵個麻包袋笠你,啪支針掉你落海」,「咁我話『係呀,掉好啲』就算數,呢啲鄉頭嗰啲豪言嚟架嘛」。李月民表示,都將這些「豪言」都當作是「開玩笑」,「議會度可能有啲火爆,出到嚟會再講多兩句,呢啲時常都會有」,李又指「唔好當佢好認真,如果當佢好認真,你就會好大鑊。反而你嘻嘻哈哈過咗,可能佢哋都唔會當呢件係咩事」。

不過,李月民也曾遇過真正的恐嚇。李透露,上屆區議會中,他沒有投票支持一名鄉事派議員任區議員副主席,之後就收到恐嚇信,內容涉及「叫你屋企人要小心」。李報警後,警方表示要保護他,但他為免勞師動眾而拒絕,不過他知道警方有暗中作出保護。

發表意見