立場新聞 Stand News

逆權車長

2018/3/7 — 11:58

葉蔚琳 (中) 與其丈夫劉卓恆 (右)

葉蔚琳 (中) 與其丈夫劉卓恆 (右)

【文:鄭達鴻(公民黨東區區議員)】

自從葉車長企左出黎之後,

建制派開始瘋狂抹黑。

廣告

工聯會屬會又鬧佢蠢,

親中媒體又話佢拎十幾條人命去要求加薪等等,甚至話佢係黃絲臥底等等,人格謀殺不絕於耳。

廣告

我想同有咁既諗法但仲有良知既人講,

講真心啊,就算俾佢爭取到加,自己一個月咪最多加二三千,

值唔值得拎佢自己同佢老公兩個人既工作去博啊?同事加到人工佢有份分咩?

車禍係一個不幸爆發點,但如果車長為評核而要病住返工,容許有特更一日要出車十二個鐘,乘客對車長無建立互相尊重,車長同工而不同酬等等狀況一日唔改變,下一個傷者可能係會坐九巴既大家,咁既後果係大家想睇到嗎?

葉車長苦等管理層見面後,佢都係想九巴儘快出宣傳改善乘客對車長態度,取消員工過分評核等公司再覆,加薪都等到九巴年中檢討先再要求。所謂罷工影響,就係只係影響到一個站頭咁大把,咁溫和,良心既車長,九巴轉過頭炒左佢,公道咩!?

「如果個個都唔伸張正義既話,呢個社會唔會開心」葉車長

所謂逆權,其實不在於發掘到一個英雄,而係希望每個人都可以係自己既崗位做多一點點,實踐公義,做個好人,或者我地無辦法影響到九巴呢間黑心企業,但至少我地可以係自己小小的影響群當中支持下呢班良心車長,多謝佢地肯企出黎,履行公義,車長們,加油!
 

發表意見