立場新聞 Stand News

通識都考到第五屆,仲有「揣摩上意」嘅諗法,好悲哀

2016/4/11 — 16:41

資料圖片

資料圖片

考完通識先講。到今日,還有一些學生,而且是名校學生,會以為,答通識係要「答啱評卷員」的心水。好似有人留言畀我,話今日卷一果條「特首選委會和立法會組成更具代表性,是否可提升香港的全球競爭力」,話呢條點答都死,跟足教育局就5*,但過唔到良心;跟足良心,就一定肥……。套用梁美芬嘅言論:呢啲係屈考評局。而出此言論的,很可能同梁美芬一樣出於無知。

通識都考到第五屆,仲有呢種「揣摩上意」的想法,是很悲哀,而且出於suppose出精英的名校,更加可悲。爾冬陞話年輕編劇問頒獎禮可否出「十年」兩隻字,佢話係老作的故仔,但其實真相邊個知?正如我所言,這個社會的上位者都在示範揣摩上意,連名校老師都以此向學生示範,下面點會唔跟?將來的社會精英怎會不對此中國醜陋文化越來越精深呢?

廣告

我通常都咁答學生:「你學校點樣教點樣處理,係一個問題,但可以話你聽,你揣摩上意以為可以捉到心水,死嘅機會仲大,因為你的答案不是經過理性分析,而是出於一個你未必相信的立場,因而夾硬搵論據支持,咁就衰咗。事實上,過去咁多年,考評局示範咗答題立場不會影響分數,一切要看論據,你以為自己立場影響分數只係因為你自以為自己的論據好充份好有說服力。考評局的評分參考一向畀晒兩邊立場的論據,佢哋也不會蠢到出一條冇得拗的題目。但可以話,好多時條題目有一邊立場係易答好多。例如卷一今日果條政治題,當然係同意易答過不同意——論證「政府越獨裁越無代表性長遠而言越有競爭力」是非常困難的。

《十年》究竟是預言還是幻想,得看我們各崗位的人多努力去守護。為時未晚,唔好畀佢慣,互勉之!

廣告

 

標題為編輯所擬;葉一知 facebook

發表意見