立場新聞 Stand News

邊個知拔罐其實係中醫嘢?

2016/8/10 — 16:05

菲比斯勇奪今屆第3金及多屆奧運以來的第21金。圖片來源:無綫電視片段截圖

菲比斯勇奪今屆第3金及多屆奧運以來的第21金。圖片來源:無綫電視片段截圖

【文:港女中醫】

萬眾觸目的奧運游泳項目,除了有大量養眼美男美女,又夾集大量花生。在一系列吸睛的畫面中,外國媒體忽然聚焦在菲比斯的深紫色圓形印上。不用我多說,大家都應該已經知道是拔罐印啦。

不論中外的華人社會,對拔罐(cupping)都不會陌生。真係中醫又做,物理治療又做,美容院又做,甚至自己係屋企都做。但上升至奧運的國家層次而得到廣泛注目,我們一班自認為拔罐正宗的中醫師便跑出來打__機,什麼「中醫藥自古以來便有效」、「老外取穴不準確」等等。喂等等,而家都無人話上場的運動員係得到中醫治療。

廣告

在美國,中醫藥只是complementary medicine一部份,同瑜珈、太極同類。即使中國技術被外地人發揚光大,都永遠唔會有正統地位。咁都無得怪人,自己都唔爭氣。中國人本來就係自輕自賤,祟洋媚外,再加上文人相輕,互相踐踏。自己人有料都唔信,寧願信外地人個套,又同行如敵國,各家自掃門前雪。班中醫師有種咪推動收返拔罐只准註冊中醫做囉。

要提高醫療水準,首先再維護醫療專業。就以拔罐為例,受正規訓練的註冊中醫跟據經絡穴位取位,一定同物理治療師拔罐取位有唔同,更唔好講美容院或自己屋企亂拔一通。之所以有人話拔罐得有人話拔罐唔得,其實無咁「神化」,只係睇係邊個拔啫。

廣告

拔罐治療(資料圖片)

拔罐治療(資料圖片)

 

 

發表意見