立場新聞 Stand News

阿生,呢度唔食得煙架!

2015/7/29 — 17:54

網絡圖片

網絡圖片

【文:Aston Roti Law】

是咁的,小弟我一路都喺浸會大學一個dept做咕喱。 頭先由 OEM 行去 AC Hall,經過廣場時,迎面飄來一陣中國香煙味(中國煙有其獨特氣味,係聞得出既)。 我望一望,就發現有位內地先生坐咗喺 CEC 對出啲長櫈,左手拎住香檳金色iPhone6+大開嗓門傾電話,右手擔住支煙大口大口地吸。

不遠處的實Q姐姐已經幾個箭步上前勸告先生:「(粵語)阿生,呢度唔食得煙架!」 內地先生講住電話,從容地揮揮手,示意已知悉,但煙仍繼續燒。 實Q姐姐走到佢面前勸多次,內地先生終於企起身,(我估)打算搵垃圾筒上煙灰缸。但係校學係禁煙區,又點會有煙灰缸呢? 內地先生左顧右盼,搵唔到煙灰缸,發現國情唔同了,心就慌張了,眼角見到汽水機旁有幾個垃圾筒形狀既箱,一個轉身就將想煙頭dump入去。 但查實嗰啲係回收箱,而佢好揀唔揀,揀著個廢紙回收箱黎dump煙頭。實Q姐姐嚇到眼都凸埋出黎,連忙出手阻止:「阿生,你唔可以亂dump架!」

廣告

內地先生處變不驚,呢個唔dump得咩?咁dump隔離嗰個囉,將煙頭往廢紙回收箱旁邊既膠樽回收箱,實Q姐姐又及時阻止。 如是者玩晒三色+玻璃回收箱之後,一直喺老遠既友人(似係佢個仔)終於察覺有異樣,急步走埋黎,一句「(普通話)給我!」,企圖奪去爸爸手上的煙頭。

廣告

但內地爸貴為強國子民,又點會咁順攤,畀區區一個內地仔落佢面?佢左手繼續講電話,用右手手肘一頂,內地仔無論如何伸手,就係掂唔到爸爸指頭上個煙頭。 喺呢個咁危急既關頭,內地爸諗到辦法喇。 佢先黎一招「金蟬脫殼」,一個轉身令內地仔撲了個空,腳步不穩,快要跌倒。實Q姐姐一心不能二用,立即上前扶住內地仔,「李代桃僵」,一下子解決了所有敵人! 內地爸捉緊呢一剎那既空檔,使出閃電銅錘手,將煙頭塞入路邊盤栽既泥土之中,強國煙頭既熱情換來盤栽上漆黑的焦土。

此時內地爸終於見到喺汽水機另一邊既垃圾筒,順手將已熄滅既煙頭dump入去。 實Q姐姐同內地仔此時方才站穩腳步,但一切都已經太遲,只能夠喺內地爸左手唉瘋,右手义腰既英雄背影後默默退場。 講完。

 

原刊於作者 facebook,標題為編輯所擬。

發表意見