立場新聞 Stand News

陳百祥讚CY做得好 批黃之鋒八大不入 沈旭暉:之鋒叻過荷蘭叻好多

2015/12/20 — 11:03

陳百祥(阿叻)在昨晚播出的港台節目《我係乜乜乜》中發表連番言論。他認為中共應一早接管香港,又讚揚梁振英表現佳,卻批評黃之鋒「八間大學都考唔到」。網民紛紛回應表示反感。國際關係學者沈旭暉在 facebook 指,他認識很多成績好的人,但沒有一個能做到黃之鋒的事,「而且居然唔使著透明圍裙孖煙通,都上到《TIME》封面,叻過唔知幾多間大學都考唔到既《TVB Weekly》荷蘭叻好多。」

節目以「港豬」為題。阿叻形容,大部份網民讀壞書、憎人富貴厭人窮。雖然阿叻早前有替何君堯站台拉票,但當主持問他是否知道誰是饒戈平(基本法委員會委員)時,阿叻則自稱不懂政治。

不過,他還是發表了許多政治評論,如認為中共應該一早全面接管香港:

廣告

「一早應該全面接管啦!到 2046、2047 咪又係畀返佢管,有乜問題?你話喇,你係咪中國人嚟?」

他又讚揚梁振英表現佳,只是批評者「冥頑不靈」。

廣告

「佢搞到咩民怨?我覺得佢哋做得好嘛。...佢哋成日覺得唔係佢哋選出嚟嘅,係 689 人選出嚟㗎喞,所以佢哋條氣唔順,佢做乜都唔啱㗎嘞。」

他又批評黃之鋒考不到八大:

「我看實質論英雄,考獲 12A 就是,難道黃之鋒會考到 ? 八間大學都考唔到,我點話你叻呀?」

他說,市民是否接受梁振英都無用,因為這個國家不是他們的。

「呢個國家唔係你嘅、唔係你打出嚟嘅呢個天下。」

對於香港言論自由,他則認為沒有收緊。

「而家人人都鬧緊特首,邊有收緊。」

他又稱,如果自己年輕些,可能是 Facebook 創辦人朱克伯格。如果自己是 90 後,更有機會做特首。

對阿叻批評黃之鋒,國際關係學者沈旭暉在 facebook 回應指,他認識許多成績好的人,「但係無一個做到黃之鋒做既嘢」,「而且居然唔使著透明圍裙孖煙通,都上到《TIME》封面,叻過唔知幾多間大學都考唔到既《TVB Weekly》荷蘭叻好多。」由於阿叻是著名荷蘭球迷,因此有「荷蘭叻」的稱號。至於「透明圍裙孖煙通」的典故,則出自阿叻曾在 2003 年港姐決賽擔任司儀時,只穿上三角褲再被上半透明外衣,遭觀眾向廣管局投訴不雅。當年港姐收視只有 26 點,比 2002 年下跌了 5 點。

阿叻改變不了世界,但他可以獨力改變一個電視節目的質素任何電視節目,只要見阿叻有份出現,你就知道,這個節目必會變為業餘、不認真,和像馬戲團。以一人之力,左右一個騷,或一件盛事,這正是我渴望擁有的影響力。(林振強)

黃之鋒則在 facebook 回應:「陳百祥無讀大學兼會考得 13 分,咪照樣做咗一線藝人」、「就算你覺得我廢青無出息乜都好,我叻唔叻根本唔係由你判斷,亦唔需要向你交待,只要我向到自己負責咪得」。

黃秋生亦有在 facebook 回應阿叻言論。「阿叻哥俾人玩到謝咗,個國家唔係你嘅都講得出。哈哈哈!佢真係好鬼頂癮!」

亦有網民找出已故林振強的當年揶揄阿叻的文章《最有影響力的人》:

有些人,例如愛因斯坦,可以憑一己之力,改變世界,非常厲害。阿叻改變不了世界,但他可以獨力改變一個電視節目的質素。任何電視節目,只要見阿叻有份出現,你就知道,這個節目必會變為業餘、不認真,和像馬戲團。以一人之力,左右一個騷,或一件盛事,這正是我渴望擁有的影響力。

阿叻向來言論惹火,被網民視作歪理連篇。早前他在無綫節目《網絡挑機》中與網絡紅人對質,已引來不少批評。最近談到蔡思貝偽造學歷一事,他則指這不是問題,「好似練馬師咁,由第八級開始,我一做就做第一級,睇下你叻唔叻啫,能者居之,蔡思貝係一個好醒目嘅人,當日選嗰時我已經睇好佢。」

 

發表意見