立場新聞 Stand News

「領展無良」 青衣長發邨街市商戶 發起罷市

2016/2/6 — 18:04

【文 / 圖:蕭雲】

6/2 青衣 長發邨街市

長發邨街市內,幾乎每家商戶都貼上標語,響應初八發起罷市。

廣告

商戶解釋,原來領展未通知他們,就擅自將商場外判予另一公司。儘管罷市的宣言已經廣傳,但領展仍未見動靜。

五金店老闆蘇先生說,雖然未知將來景況如何,但見其他商場外判後的覆轍,都要大幅加租,由三成、一倍、甚至幾倍都有所聞。他希望領展取消外判,不要加租。

廣告

服裝店的老闆娘很沮喪,不願談太多。嘆領展根本不會與她這些小店談判。來日大幅加租,唯有結業,回家湊孫。

中藥房的老闆說,長發邨不同青衣城等大商場,這兒的麵包只賣五蚊一個,幫襯的都是窮人老人。大幅加租,不過害慘他們和市民。他亦坦承罷市對商戶而言好傷,自己只能罷一兩日,希望大家好好談妥。

***

訪長發邨街市商戶聯會主席李先生

長發邨街市商戶聯會主席李先生

長發邨街市商戶聯會主席李先生

問:為什麼要發起罷市?

李先生:我們本來是和領展簽合約,但領展完全冇知會我地,就將我地賣豬仔般賣給其他公司。

若果租約完結,中止條款,那就合情合理。但租約未完成,我信你先簽約做生意,點解賣左我地到第二度?我地最嬲依點。

22/1,我地商戶聯會請領展食團年飯,席上有立法會議員,有區議員,有屋苑四大法團,但領展完全沒提到街市會外判,大家仲玩得好開心添。

26/1,我地約見領展的市場總監。因為商戶的租約多在7月屆滿,準備洽談續約,至於加租減租,有商有量,可以慢慢傾。領展說會反映,依然隻字不提外判。

過兩日到28/1,領展先俾封信我地,由三月一日起,外判予建華公司,接管長發邨街市。租務、管理、維修保養等等,盡由建華接手,連按金都已經係建華手上,有咩事搵建華啦。

後來領展接受報紙訪問。矢口否認--喂你係上市公司嚟架。所謂社會企業,社會良心,擺左係邊?

至於嗰間公司(外判商建華)係點,上網就睇得到喇。

問:知不知道建華接手之後會加幾多租?

李先生:我們真的未清楚。但據往績,一倍恐怕少不了。

問:你們會不會真的找建華傾?

李先生:我地嘅租約,明明係同領展簽,租約都未到期,點解要同佢傾偈?咁咪承認左佢?

問:事到如今,領展依然有沒有理睬你們?

李先生:沒有。

問:你們罷市有何訴求?

李先生:三年租約,維持現狀。尤其是賣衫的商戶,有很多存貨,需要時間走貨。一句外判,一百三十幾檔,好多要執笠。四五百個家庭,影響幾深遠?

問:有幾多商戶響應罷市?

李先生:大約95%。我地都唔想罷市,依個時候係黃金期。點解咁毒辣,係依個時候轉手?依個時候係商戶最唔得閒,最搵錢嘅黃金期,點解咁樣搞我地?

***

筆者穿梭街市,發覺門庭若市,絕無任何經營不善的頹象。興許位置優越,有利可圖,領展才想將街市「升格」,與青衣的高檔商場看齊。

感謝眾商戶指點,才等到李先生。走訪期間,買餸的太太聽到對答,也搭腔贊同:「係囉外判做乜,整到啲嘢貴哂。」臨行前魚檔的老闆叮囑:「同我做大佢呀。」

發表意見