立場新聞 Stand News

食環擬趕絶 桂林夜市恐消失

2015/2/11 — 20:02

深水埗黃金電腦商場外一段桂林街,過去幾年農曆新年都有大批熟食小販開檔,吸引不少市民慕名前往幫襯,形成該區特有的「桂林夜市」,惟在民建聯區議員的催逼下,食環署今年事先張揚會嚴厲取締,近日該路段更掛出8大塊黃底黑字「嚴厲取締無牌熟食小販」及「切勿光顧無牌小販」橫額,嚇唬流動小販。有經常在該處「掃街」的青年大感可惜,慨歎本土飲食文化逐漸消失,並認為「大時大節,其實可以通融下」。

該處清潔工人向《立場新聞》記者證實,此8塊橫額約兩日前才掛出;上午時份,記者亦偶爾見有食環人員於該處巡邏。曾經是深水埗居民的方先生今日與友人重回桂林街,並斥食環署的做法很「無謂」:

「人哋都唔係成日喺度擺,只係大時大節先出嚟擺檔,呢啲咁普世歡騰嘅日子,何必要趕到咁樣?我覺得影響又唔係咁大,相信呢頭啲街坊都慣咗,冇必要趕盡殺絕。」

廣告

方先生憶述,該區以前新年的晚上很熱鬧、很開心,對於有人提出衛生問題,他認為多了那些小販也不會令該處骯髒太多,「因為時間性唔長,唔係持續擺,我覺得可以接受」。對於食環署掛出來的橫額,方先生感到很反感,並覺得被趕絕的小販很慘。

方先生認為,趕絕小販令香港「咩特色都冇晒」,深水埗夜市更是「係深水埗其中一個象徵、係本土文化」,取締更是「抹殺咗香港好多好有人情味嘅嘢」。

方先生認為,趕絕小販令香港「咩特色都冇晒」,深水埗夜市更是「係深水埗其中一個象徵、係本土文化」,取締更是「抹殺咗香港好多好有人情味嘅嘢」。

廣告

在他的記憶中,夜市的食物價錢合理,很有風味,「咁多人一齊食,好開心」,認為這些市集現在已「買少見少」:

「咩特色都冇晒,呢個係深水埗其中一個象徵、係本土文化,咁樣做係抹殺咗香港好多好有人情味嘅嘢。」

今日和朋友來到深水埗小食店「掃街」的林小姐坦言,她不知道「桂林夜市」的存在,但喜歡「掃街」的她指,如果知道一定會來試試,對於夜市現在被取締,她指「梗係可惜啦!冇嘢食啦喎」:

「小販其實都係平時好少嘢做,想搵下外快.....我覺得,大時大節其實可以通融下,因為始終唔係成日有,大時大節通融下都唔成問題啦,咪隻眼開隻眼閉囉。」

被問到衛生問題,林小姐認為即使在路邊的熟食店舖內,也有灰塵或路邊的廢氣問題,「其實都唔會乾淨得去邊囉。」相對她認為小販的食物價格會較便宜。她擔心小販檔會逐漸消失,個人亦少了選擇。不過,她體諒到食環署只是跟從上司指令執法,「總之都係啲高官嘅問題」。

對於桂林街夜市被取締,林小姐稱,「梗係可惜啦!冇嘢食啦喎」

對於桂林街夜市被取締,林小姐稱,「梗係可惜啦!冇嘢食啦喎」

愛吃街邊小食的年輕人對「桂林夜市」的消失大感可惜之際,居住在深水埗84歲的張伯伯卻認為,小販阻街,又危險,有礙觀瞻,他自言比較喜歡乾淨的街道,「例如李嘉誠個衰仔,佢個CSL,啲街牌,嗰啲(易拉)架......係觀瞻問題!又好似民建聯啲橫額,掛完都應該要收番吖」。

儘管如此,他也認為「每個人都要食飯」,「斷人衣食猶如殺人父母」,新年期間擺檔也無可厚非,只希望小販守規矩,不要過份霸佔街道。

不過,在該處工作的食環署外判清潔工人黃女士聞悉今年春節再沒夜市,感到興奮,「唔畀擺好呀!成條街都係架!通街都係一兜兜嗰啲發泡膠!」她又指,近幾年食環署都沒有掛橫額出來勸阻小販,是前兩天才掛出來。她強調,小販令到「啲垃圾好得人驚」,「朝頭早倒垃圾幾辛苦呀陰公!都唔知倒幾多桶!」

(網上影片)

發表意見