立場新聞 Stand News

「首置樓」要 6000 蚊呎嘅原因

2017/9/7 — 12:10

作者製圖

作者製圖

土地供應專責小組今日(編按:9月6日)第一次開會,其中一個討論重點就是幫好多人期待嘅「首置上車盤」搵地。奇就奇在,今日出來護航嘅專家學者放風話原本「與市價脫勾」和「比成本價稍高」的定價都要成5-6000蚊呎,400呎隨時要二百萬以上,如果知道公屋居屋嘅成本,就會知道定價一點都不平。

今年立法會審議財政預算案果時,其實問過政府公屋、居屋的成本。以2016/17年嘅水平去計,公屋同居屋的建築成本的呎價只係$1169同$1679(註:1) ,今日專家學者出泥放風的價錢足足比現在普通的公營房屋的成本嘅兩至三倍,完全唔係「高成本少少」幫人安居置業。

林鄭今日話話「首置樓」的用地要考慮填海、發展郊野公園邊陲、棕地、重建同發展商手中嘅農地。林鄭更放風下份施政報告的「首置單位」要用公私合營發展農地的方式提供,即係地產商發展農地補地價時可以有優惠,發展完成就把部分單位設定為「首置樓」,估算私人發展的呎價成本為3-4000元,就會明多少少五六千蚊條數點計出泥。

明明現在的居屋單位就可以用所謂「首置上車盤」的定價,幫啲負擔能力比市價拋開左的市民上車;任何嘅新賣地的私人發展,都可增加部分單位用「首置上車盤」嘅要求嘅賣地條款。政府偏偏就把具爭議性的發展用地,同明益地產商的做法,同「首置上車盤」的政策捆挷在一齊。迫想上車的小家庭支持填海、發展郊野公園邊陲同比發展商發展賤價買下破壞環境得來的新界農地,唔正正係社會撕裂的源頭咩?



註 1: 立法會二題:資助房屋單位的建築成本

廣告

原刊於作者 facebook

廣告

發表意見