Rosina

Rosina

非牟利機構工作十多年,自覺係好人一個,愛生活,愛自由,希望簡簡單單開心過日子。

2018/10/31 - 10:00

香港人做錯左乜?

10 月 16 日早上,港鐵觀塘綫、荃灣綫、港島綫、及將軍澳綫先後發生故障。

10 月 16 日早上,港鐵觀塘綫、荃灣綫、港島綫、及將軍澳綫先後發生故障。

港鐵 10 月 16 日星期二 4 線大故障,將於周六及周日(11 月 3 日及 4 日)推出優惠,成人八達通乘客享有小童票價優惠,原本已享特惠票價的乘客則每程 1 元。問到為何不在星期一至五平日推出,港鐵車務總監劉天成指周六、日推出優惠較穩妥。

睇完真係笑咗,究竟香港人做錯咗乜?浪費左咁多人的時間精力,你只減少少價就想過到骨?你去搭港鐵仲要比佢賺多次,唔係益你呀,係賺你少尐咋。

港府明明係股東,市民都係持份者,為何港府不施壓?影響最多的上班族無得賠償(不是優惠啊!),受影響的上班族以最低時薪工資計,點只罰款 800 多萬?港鐵是香港最重要的交通網絡,其他交通工具無可取代與之競爭,沙中線未完工已一盤爛賬,近年屢屢發生事故,港府無力監察更被人牽著走,醜聞要由傳媒爆出被迫跟進,如果私人公司一早人頭落地,問責官員的「責」去左邊?

廣告

另一個填海工程「明日大鑊」的提案,土地供應專責小組報告未出,特首已宣佈要填海,一巴打落小組度,真係陰功豬,黃遠輝成為周永新第二,以後仲會有人想做公職? 777 口說只係願景,資料都未有,財委會主席陳健波已經急不及待飛撲出來獻媚,預告會嚴格執行《議事規則》,務必要通過撥款。

究竟香港人做錯左乜?當全世界關注地球溫室效應,海水上升時, 777 仍要填海,一個填出來的海島,能擋得住越來越多的超強颱風嗎?比起棕地、祖堂地、發展商囤積的土地,填海無得輸因為反對的都係無能力左右決策之人,泛民/普通市民/環保團體/海洋生物……,反對填海就係歷史罪人,不體諒市民房屋的需要, 777 真係覺得香港只有佢一個高材生識關心市民的需要,繼續官到無求膽自大的傲慢。

近年所有龐大工程都超支而且缺乏監管,香港人點會安心?難道學無厚顏無恥的精英說我話 OK 就 OK ?以往保守的量入為出財政預算能積聚庫房,現在就是一個大花筒,港府只識不停開發龐大工程來刺激經濟製造工作機會,政不通人不和之下,醜聞相信陸續有來。

11 月 25 日將會有立法會九龍西補選舉行,想在政府內多一點聲音,有選票的朋友要開始提家人選個非建制的人入議會,雖然無力補青天,總好過乜唔做啊!