立場新聞 Stand News

香港塞車系列(一)電子道路收費計劃

2018/10/29 — 14:33

全民教育局製圖

全民教育局製圖

【文:明德格物動物園 @全民教育局 HKEd4All】

施政報告大談香港塞車問題。我哋雖然唔係全民運房局,但塞車問題絕對值得我哋講吓。

頭炮要講嘅,當然係講咗三十幾年都未做嘅電子道路收費計劃。香港政府,由過渡期前到依家,試咗咁多次,科技都已經唔同哂,但都係話未做到。有講過話私隱問題、技術問題,仲有話因為收費區無其他路線揀。

廣告

但你問我嘅話,我會話係政府懶:

一、睇吓附圖,香港鄰近嘅亞洲地區,早就已經用緊各式各樣嘅方法,實行緊電子道路收費。時間有先後,但原則都係減省因為使用人手嘅成本。有人可能會問,咁班收費員咪會失業?咁,不如我又問吓點解今日唔會再有打字員、升降機操作員呢啲工作?

廣告

二、睇吓實行方法,有啲會揀要駕駛者額外付款一次買一個裝置,但亦有一啲,好似台灣咁,係一個仙都唔駛駕駛者俾,就可以享用到付款用嘅裝置。

三、配合鏡頭、RFID 一類嘅技術唔係唔成熟,而係邊個做、點樣保障私隱,唔好搞到好似因航咁,會發生「不當取覽」呢啲繞口棘手嘅問題。可惜,政府從都無展現過佢係信得過。

四,不過亦都係重點,係香港嘅政府唔鐘意干預私人市場。不過,點解呢套系統會係由私人公司,以牟利形式營運呢?我唔識講。但我知道,香港嘅收費隧道、公路,大部分都係由政府擁有和營運,未係之前,都係以「公私營合作」形式出現。呢間公司搵緊幾多錢、收月費,結果就見到擠塞黑點長期係因為唔係行電子收費嘅收費亭大排長龍,塞返轉頭。咁,係邊個製造緊塞車呢?

揸車,響香港就好似係犯法咁,全部都好攞嚟賤。下一次,再講吓有咩可以幫輕一下塞車問題。

面對塞車,你有咩見解?一齊傾吓!

全民教育局製圖

全民教育局製圖

 

全民教育局 Facebook

發表意見