立場新聞 Stand News

⛳【高球地小人多】似乎有人已經出賣咗基層…

2018/8/29 — 13:32

本土研究社製圖

本土研究社製圖

聲稱自己係基層代表既何喜華先生貴為政府土供組成員,經常在土地大辯論發表立場,但你個角色唔係應該諮詢市民意見,點解成日自己講埋一份呢?

何喜華個社區組織協會(SOCO),去年在傑志保衛短租球場地事件站在香港市民的對立面,主動拉大隊叫基層去城規會支持政府收地,當年個解釋係唔係針對傑志,如果收粉嶺哥爾夫球場幫基層都會爭取嘅。

去到土地大辯論開始(2018 年 4 月),入咗土供組嘅何喜華,自己個組織社協又去約見返土供組然後出咗個公開新聞稿(2018.4.29 輪候公屋無了期 覓地建屋解民困 — 香港社區組織協會 約見土地供應專責小組 新聞稿)話粉嶺哥爾夫球場呢類私人遊樂場契約用地,「既然政府有權收回...本會認為應該考慮收回部分用地,提供不同類型的住宅單位」。似乎好幫基層喎。

廣告

點知過咗幾個月,8 月 25 日個土供組個諮詢會一個屈尾十就飛甩咗對基層市民嘅承諾,話「任何形式的發展都不支持,因為球場有生態價值。」吓?何喜華因咩事要咁樣背棄初衷?對唔對得住成千上萬嘅劏房戶?定係俾高球會成功游說咗背叛基層,一直都當基層係你嘅老襯提款機?

廣告

我哋對 2020 年就到期嘅粉嶺哥爾夫球場特權用地嘅態度,係覺得一係收回作開放用途,一係收番佢市值租金,冇理由繼續用呢種方式俾佢千秋萬世續租落去。但係入咗土供組嘅何喜華,似乎近年愈來愈企喺政府同權貴嘅一方,令佢作為基層代表嘅形象面臨全面破產。

 

#香港地小人多
#高球現形記

本土研究社 Facebook

發表意見