立場新聞 Stand News

⛳【高球地小人多】歷史學家龍門任擺

2018/9/7 — 13:00

本土研究社製圖

本土研究社製圖

身為鄉議局議員嘅歷史學家劉智鵬,噚日接受訪問大談粉嶺高球場有「深厚英殖時代歷史價值」,應要保育,話清拆係「走回頭路」喎。

原來劉智鵬博士咁重視英殖時代歷史建築價值?

2007 年天星皇后保衛戰時,劉智鵬就大潑冷水,於《文匯報》撰文話皇后碼頭無重大歷史價值,話「皇后碼頭確實是香港最後六任總督登岸履新的地方,但並不因此就等於皇后碼頭具有重大的歷史價值」,同埋「殖民地的歷史內涵必須彰顯於港督與香港社會的互動之中,並非港督所到之處都具備重大的歷史意義」。皇后碼頭作為咁多香港人共同回憶,竟然話無重大歷史價值,之後仲話重置去大嶼山都得。

廣告

既然認為總督去過一度地方唔代表啲咩,點解噚日話搵到張相,見到新加坡總理李光耀於 1968 年同時任港督戴麟趾在球場打高球就話咁重要?最搞笑係話「香港剛經歷了六七暴動,時間上十分敏感」,所以「兩人很可能在球場上,討論了香港的發展方向,甚至有可能觸及到後來的郊野公園計劃、十年建屋計劃及高地價政策等,對本港有深遠影響的政策」。嘩真係「創作力量同幻想 會嚇你一跳」!歷史學家睇一幅相就可以幻想成歷史事件咁?

高球場應否開發呢個議題真係令好多人現形,啲人為保高球場可以搬哂龍門㗎!

廣告

 

#香港地小人多
#高球現形記

本土研究社 Facebook

發表意見