立場新聞 Stand News

高鐵車票今早開售 排頭位市民:高鐵方便「包二奶包小鮮肉」

2018/9/10 — 10:46

排頭位的公眾人士梁伯伯

排頭位的公眾人士梁伯伯

廣深港高鐵本月23日正式開通,車票今早8時在高鐵西九站開始預售。有排頭位的公眾人士梁伯伯向傳媒表示,對能夠買到期待已久的車票感到高興,但認為今早的售票安排稍慢,估計與工作人員未熟習操作有關。港鐵行政總裁梁國權及車務總監劉天成亦有到場視察售票情況。

梁伯伯稱,「開心,期望咁久,見證下環境。」他認為,「安排慢一些,看咗咁多個售票處,操作好像唔係好順咁樣。」有記者問及他高鐵的好處,梁伯伯再一次稱,高鐵有助「包二奶」,對答節錄如下:

記者:梁伯伯,你認為高鐵可以帶畀香港人,尤其是邊類的乘客有些甚麼方便?

梁伯:方便就多啦,做生意又好啦,做閒事都好。係上面搵返一個,哈哈......唔駛講乜嘢啦,唔好話包啦。係上面食個餐,返番落嚟,方便啦。唔駛到機場慢慢去等,係呢處買張飛搞掂。

記者:包乜嘢?

梁伯:包二奶囉、包小鮮肉囉,返到去咁遠。

記者:老婆唔鬧咩?

梁伯:你唔好話畀老婆聽,話去公幹吖嘛,係咪呀?男有男,女有女可以的嘛。方便幾多!

廣告

來往高鐵西九站的車票今早8時在香港及內地同步發售,市民每次可購買不多於8張車票,其中一張必須為買票者自用,購票時必須出示有效的證件正本。梁伯早接受訪已打趣說:「啲人上去搵個小三,喂,同我煮晚飯,我今晚返嚟同你過晚夜,之後走人㗎喇!同屋企人就話返上去工幹,哈哈,方便好多㗎!」

今早在西九站的預售車票的情況:

廣告

港方的網站或電話購票服務,會在今日中午12時開始預售車票,不過內地的高鐵車票的應用程式「12306」,則已在今早8時同步開售。

西九站的購票處同時開放了16部售票機,當中只有兩部可以使用現金,其餘則需要用八達通或信用卡,

今日預售的高鐵車票,是由今天起計10天後,即今個月23日至10月2日的車票,而從明天開始到下周三(19日),市民可在西九站內購買未來28天的車票。而在本月20至22日,車站不會開放,但市民仍可透過購票熱線2120 0888,或到網站www.mtr.com.hk/highspeed購票。

港鐵行政總裁梁國權(右)、車務總監劉天成(左)港鐵行政總裁梁國權及車務總監劉天成

港鐵行政總裁梁國權及車務總監劉天成

港鐵行政總裁梁國權(右)、車務總監劉天成(左)

 
 

發表意見