立場新聞 Stand News

【背棄了理想?】黃家強曾撐黃絲反國教 批「梁振英政府完全唔聽人講 只識做騷」

2015/12/8 — 10:30

Beyond成員黃家強昨晚於經民聯晚宴上,與特首梁振英等高唱《光輝歲月》和《喜歡你》,更與特首梁振英笑逐顏開地合照,網友紛紛大罵他「背棄了理想」。但回顧過去黃家強的言論,曾批評「梁振英呢個政府完全唔聽人講,只識做騷」,又在微博換上「黃絲帶」頭像力挺佔領運動,反對國民教育和為泛民拉票,

黃家強在去年底佔領運動期間,在微博上換上黃絲帶頭像力撐雨傘運動,更留言指「用最簡單的其中一個原因告訴你,我為什麼支持,因為我不想將來去youtube和facebook都要翻牆,我習慣了自由,和你習慣沒自由是一樣的,各自各精彩吧」。

在2012年9月反國教事件期間,黃家強帶同妻兒親身到金鐘政府總部撐場,支持學民思潮,「如果國民教育是行得通的話,日後香港會變得怎樣,會否像北韓一樣?很恐怖」。《蘋果日報》亦引述當時出席金鐘公民教育開學禮活動的黃家強指,「梁振英呢個政府完全唔聽人講,只識做騷,咁多人反對國民教育,佢仲要執行,咁搞法以後香港小朋友只知愛黨,我唔想香港變成北韓,所以唔會畀仔女接受國民教育,我會安排同個仔轉校」。

廣告

其後在同月的立法會選舉前夕,他更在微博上呼籲市民投票支持泛民,「請全力支持泛民主派人士,大家記得投:工黨、民協、公民黨、社民連、民主黨、街工,不要讓建制派隻手遮天」。他甚至留言:「不要投人民(幣)力量,不要浪費選票」。

黃家強昨晚與梁振英的合唱片段一出,不少網友在「黃家強的音樂力量」Facebook專頁大罵:

廣告

- 當年家駒被人鬧係搖滾叛徒係好受屈,估唔到幾十年後嘅而家你真真正正係搖滾叛徒!!!家駒嘅歌你冇資格再唱,《抗戰二十年》你更冇資格再唱!!
- 仲提家駒? 你呀哥唔會認呢個冇骨氣細佬囉
- 你咁樣糟蹋家駒D歌,家駒fans超心痛!
- 你和689的合照令家駒死不冥目,令beyond 蒙羞

梁振英並非首次公開演唱,他曾在2012年的「奧運金牌精英大匯演」上大展歌喉,演唱《真心英雄》,已被網友猛轟「難聽」、「令我諗起胖虎」:

 

 

 

發表意見