立場新聞 Stand News

黃遠輝邊忽似周永新?

2019/1/7 — 16:28

黃遠輝、周永新

黃遠輝、周永新

我其實一直唔係好明點解講到黃遠輝做土供報告做到受政府冷落,個土供組報告好得罪林鄭咩?邊度?

因為建議先局部收回高球場?其實話收嗰忽咪同政府「新界北研究」內嗰份 appendix 建議嘅「局部發展方案」一樣,2030+ 研究內咪夾咗,搞粉錦公路以東嘅舊場先嘛,有咩唔同?

因為建議搞棕地?其實土供組已經唔叫做同政府對著幹,因為早已擅自加前設,假定十年內最多只發展到 110 公頃「新發展區外棕地」,咁就可焗人揀多啲其他選項,咁有偏離政府 agenda 咩?

廣告

因為施政報告講 1,700 公頃「明日大嶼」計劃時反應太大,唔撐政府,仲堅持土供組諮詢係基於 1,000 公頃東大嶼都會選項?咁係林鄭太「gamcholai」咋?人哋(土供組)好幫手,林鄭仲起人飛腳喎!

黃遠輝已做咗好多嘢幫政府,除以上所講就棕土可發展土地隨意設限,仲有諮詢初期話定優次最後又唔優次、問卷引導人揀足 1,200 公頃但又回應唔到水份質疑、分析質性研究數據時明明多人揀「土收」私人農地,但土供組只建議「公私合營」、明明入意見書講東大嶼填海嘅反對多過支持都係置之不理等等。黃遠輝幫林鄭幫咗咁多,做咩仲要冷待佢呀?

廣告

 

作者 Facebook

發表意見