立場新聞 Stand News

點解電台業唔得掂?

2016/1/14 — 15:30

近日,很多人討論電台,因為個個台(包括香港電台)都好地震、裁員、換主持,似足某高官綽號 —— 唔得掂。

究竟,是電台業唔掂定主事人唔掂呢?電台業,又是否步向衰竭呢?我肥碌已離開電台,但仍有 N 咁多人拉我問。

個別電台管理層表現、識見及能力,小弟不會亦不便評論。但我可以實牙實齒大大聲講 —— 香港電台業,絕對有可為!

廣告

通常,人性就是如此,失敗就搵嘢賴。賴經濟不景、賴電台過時、賴員工質素、賴老闆唔揼水、賴過多競爭 …… 但,從來無一個電台領導人,會自己承認水蛋無料到。

其實,要電台成功,雖不易,但亦很簡單。只要你「身體」(發射接收無問題)及「靈魂」(節目內容及主持人吸引力)無問題,自然有收聽率。有咗廣大聽眾支持,廣告商絕不會死錯人,一定落廣告。兼且,收聽率高,即有龐大影響力,這樣,各路精英,尤其政治、商業及娛樂唱片界,當然飛身黐埋嚟(我全部親身經歷!)

廣告

有本就有末,千祈咪倒轉。

今天做得唔多好的電台,論「身體」(發射及接收),只得一間數碼台先天不足,因要特別接收器,所以未能打入私家車及住宅市場,至為可惜,非戰之罪也,宜忍吓先。

其他電台呢?在「身體」方面,無得賴地硬,唔掂,一定係「靈魂」出事,即你的節目設計、內容、主持人魅力、質素及聽眾緣不符要求,所以,無論接收得幾清晰,聽眾就是以手投票,熄機去也。所以,電台收聽率日比日低,流失擁躉、流失廣告、流失影響力,乃自找的!

(一個成功的電台‧二之一)

原文來自經濟日報「肥碌出馬」欄目,經作者授權轉載

發表意見