立場新聞 Stand News

40餘學生火炭大排檔晚飯 近萬元埋單 老師FB公開斥「黑店」 老闆娘呼冤

2015/7/8 — 12:33

MK Fung Facebook截圖

MK Fung Facebook截圖

火炭大排檔雞粥遠近馳名,除了很多市民慕名而至,亦有不少大學生選擇在該處「食宵」。近日就有網民在Facebook投訴,該處一家名為「德記沙田雞粥」的食肆「天價」收費,指他們一行40名學生食普通晚飯,埋單卻被索價近萬元,批評該店「似足大陸既黑店」,事件引起熱議。不過,德記老闆娘卻向傳媒呼冤,指學生叫了10多款菜式,加大份量,早已告知需三倍價錢,又稱他們「40幾個人食咗154個飯」。事件鬧出羅生門,網民對此事的評論不一,有人同情學生,指該店手法有問題,有人卻批評學生「食米唔知米貴」。

事源於任職教師的MK Fung本周日晚上在其個人Facebook上載3張大排檔照片,投訴到德記吃晚飯「四十幾人食啲家常便飯竟然要一萬蚊埋單」,「難為了一班學生」:

「香港仲有啲咁樣經營手法既大排檔,似足大陸既黑店,圖中既沙拉骨$204,魚香茄子煲又係$204,無影到既粟米班塊仲勁250,牛腩煲又係250。四十幾人食啲家常便飯竟然要一萬蚊埋單,無錯,大排檔為起一圍要二千五,勁!難為了一班學生……最後負責人仲好好咁減左我地四百蚊,真係多謝曬。去開沙田火炭既朋友請小心叫嘢食呀!」

廣告

他在留言時又指:

「張單又下角我圈住果個係餐牌上面個價,佢話我地人多幫我地加大,價錢係原來既三倍」

「加大你收我一倍我都算,你有四樣嘢收我三倍我真係無話可說」

廣告

其友人紛紛在帖下留言,有人指出上述食肆已經不是第一次被人投訴,「原來網上有好多對呢間餐廳的批評 情況大多同你一樣... 你真係唔好彩.......」亦有人指「但吾(唔)見得你果碟野個份量有加大到,擺明厄錢,不良營商條例」,以及「我哋平時卄幾人食大排檔,碟碟都加大,仲加埋百幾支啤酒,都係2千幾蚊埋單」。

此帖發出不足3日,已有近逾7,600分享。有網民亦貼出其他曾經光顧過該大排檔,及後在食評網站所寫的評論,指該店「收費與餐牌不一致」以及「感覺這店不太老實」等。

圖:Openrice網站截圖

圖:Openrice網站截圖

圖:Openrice網站截圖

圖:Openrice網站截圖

不過,有傳媒到訪德記,並訪問老闆娘吳女士,她立即呼冤,當中《東網》就引述吳女士稱該班學生當晚付錢時沒有特別說太貴,「無端端唔知點解上網講埋啲咁嘅說話」。

報道引述她指,當時學生所叫的餸菜,不少都屬貴價菜,有套餐可選偏偏不要,要「散叫3例」(即3倍分量)。吳當時已跟學生講明小菜的價錢及分量,若學生對價格不滿,應即場投訴,不應在事後於網上單方面「唱衰」食肆,對此感到不忿。

她又稱,「佢哋,40幾個人食咗154個飯,畀人笑都笑死。飯10蚊個」。吳堅持,當時已跟學生說叫「盆飯」會比人頭飯划算,惟學生卻同樣堅持要「人頭飯」

《頭條日報》亦引述吳女士,稱開業30年,從未試過類似事件,指對事件感憤怒,認為毀壞該店聲譽。報道亦引述伙計指,學生一行45人,佔了4圍檯,食店菜式一向分大中細3種價錢,細份例牌價68元,中份收兩倍價值,大份收三倍價值,當日落單時,已清楚告知,他們每圍點了最貴的大白鱔,一條368元,另有10多碟菜,其中4碟大份,部分中份,另點了154碗飯,35罐汽水。

很多網民看完報道,都不同情學生,有人質疑「四十幾人每人二百幾有乜問題?」有人批評學生「食米唔知米貴。宜家一個人出街食個茶記,唔好講邊間,銀龍想叫個食得飽啲既飯,好似西式扒飯咁,宜家都70蚊起跳,覺得貴?食個丐(麵?)加個餐茶都40起,學生哥知唔知......」有人認為是該名老師有問題:「個老師都回應左人地有問過佢自己加唔加大,根本係個老師自己冷(懶)豪叫多左多到食唔晒!出黎食野唔識叫亂叫貴野叫多左係自己問題...」

發表意見