立場新聞 Stand News

【6.10凌晨】我以和平靜坐抗爭

2019/6/11 — 17:26

攝於6月10日凌晨,圖右為作者

攝於6月10日凌晨,圖右為作者

6月9日晚上,我一個人走到添馬,一路上拍攝記錄。
當中有一隊人每人手持樂器,現場氣氛士氣頓時大增!樂隊經過的地方都會伴隨喜悅的歡呼聲。
表達訴求的方法有很多。我可以充滿怨憤呼叫罵話,我們亦可以一齊係呢個特別的日子,聚埋用歡樂同正能量慶祝大家鼓起勇氣走上街頭,一齊慶祝自由的空氣。
如果你對冥想,OM CHANTING 或靈修有少少興趣,今晚/聽日見到面歡迎泥一齊交流下。
我支持和平靜坐抗爭,因為靜坐唔一定無用,如果多人一定好有用。
其實香港大部分都係理性又支持和平的人,香港更需要你地善良而堅定的心去守護。
我知坐係屋企睇LIVE但同時好關心現場嘅人,你地可能有家庭有抱負有負擔,種種原因令你卻步。
但我想同你講,如果我地以善待人,無人可以有藉口去傷害你。
你可以話我一個女仔不顧自己安全不顧家人朋友擔心,獨自上街留到最後係一個好幼稚好不負責任的行為。
對於我泥講香港係我出生地,我親愛的人都住係度我地嘅下一代都係。
我相信呢個地方會變好,我想呢個地方變好。
我唔需要叫你點點點,只要我做好自己行好我的路,到我行左條路出嚟俾你睇可能易明啲。
社會好多相互對抗的力量,黑警我有見到,但同我有過一面之緣的警察都對我係好的。
有人企喺前面保護我,對話語氣都係尊重的。
當然更多感人的場面發生係抗爭者彼此互相支持同幫助。
但我覺得重點係明白最終願景係想大家一齊變好,一個都不遺留。
我唔恨你,因為我係你眼中見到自己。
我找到方法,愛係可以治療萬物的方法。
今晚,希望見到你。
一齊嚟話俾全世界知你想以一個咩方式去表達你的訴求,唔好等人地幫你但又埋怨人地用唔岩方法。
所有善良的香港人,今晚出泥團結,和平抗爭。

11/6/2019

作者facebook

廣告

原文無題,題為編輯所擬

廣告

發表意見