立場新聞 Stand News

【BCA公聽會】家長發火撕試卷 蔣麗芸要求執「垃圾」遭恥笑

2017/5/8 — 18:00

立法會教育事務委員會今日就基礎能力評估研究計劃(BCA)舉行公聽會,會上多位家長發火炮轟BCA。有家長出手撕毀試卷拋到地上,被委員會主席蔣麗芸要求「執返啲垃圾」。不過蔣麗芸以「垃圾」形容試卷,再遭與會家長揶揄。

今日的公聽會分三節舉行,不過教育局局長吳克儉只會出席第一節公聽會,他昨日解釋不同範疇所需功能不同,「如果你講操作嘅時候,可能我啲同事出席更好」。

吳克儉被串「額頭黐住大把櫻花」

廣告

家長伍嘉儀發言時,先質疑吳克儉為何僅出席首節的公聽會,「一陣或者搭夜機去睇櫻花啦,第二、三節公聽會你都唔打算出席,啲花瓣你額頭上黐住大把!」她又指,BCA一份試卷要求小朋友在25分鐘內回答20條問題,即學生約一分鐘就要答一題,「咁嘅考試,考到小朋友咩呀?」

該家長之後發火,將試卷撕成碎片灑落一地,「呢份考試,吳局長唔該你退休時帶埋走,唔好再害啲小朋友呀」。

廣告

委員會主席蔣麗芸隨即要求該家長「唔該你執返啲垃圾」。另一位家長王先生發言時,則反問蔣麗芸:「你認同這份BCA試卷是垃圾?」蔣麗芸頓時語塞,僅強顏微笑沒有回應。

家長轟蔣麗芸:小朋友因BCA無時間去迪士尼!

對於蔣麗芸早前贊成由政府出資54.5億元擴建迪士尼樂園,又稱「唔忍心香港小朋友無咗迪士尼」,該名王姓家長狂轟:「我而家話你聽,香港小朋友就是因為BCA、TSA,令佢哋無時間去迪士尼樂園!主席,你憑咩話香港小朋友需要迪士尼樂園?」他又在公聽會上撒溪錢,籲吳克儉「一路好走」。

有小六學生亦來到公聽會發言,他質問吳克儉BCA零操練的說法,「我可以話畀你聽,我有小三的朋友在五一假期,要做好多份TSA paper。我畀你睇,五份呀!」

發表意見