立場新聞 Stand News

CY連任急 蘇慶和幫倒忙

2015/11/27 — 20:43

資料圖片:蘇慶和

資料圖片:蘇慶和

任何稍有常識的人都知「煥然壹居」容許單身人士申請而資產上限訂在六萬,係必死方案,點解仲會靜靜雞bypass董事會出街呢?連元秋都感到費解。

首先介紹返市建局乃梁粉主導,張震遠下台後由蘇慶和任主席,工作多年行政總栽譚小瑩頂唔順請辭,而市建局對上就係發展局局長陳茂波。政府一貫資助房屋政策,係由房協、房委會做Agent,市建局唔係做呢瓣。但689上台後為急於求成,房策大混亂,以求短期效益,先有「唔講就唔存在」嘅港人港地政策(將來發售又將會一鑊粥),又有催谷需求嘅「白居二」,令二手居屋樓價上升。另一大改變是扮勁,將原本在政府資助房屋政策內冇優勢的單身置業人士,納入照顧目標,再度引發另一批人對資助房屋的需求。

而689處事急且亂,在公務員反對下將市建局快落成的煥然一居變成資助房屋,因涉公帑資助所以訂下入息上限,但呢種閉門造車長官意志下,急就章搞個項目出來交差,背後根本無一套合理的「政策」,結果出現今日亂糟糟情況;泛民建制派群起反對,民意聲討。此「低B資助單身人士」政策,會打開惡劣先例,令房協、房委會現行政策受到公眾挑戰。而此例一開,究竟政府要起幾多樓先滿足到月入六萬單身人士住屋需求?

廣告

香港房屋問題,部分源於土地供應滯後,但更大問題是來自混亂的政策,不斷刺激房屋需求。

廣告

發表意見