立場新聞 Stand News

【GoBee.Bike泊滿沙田】單車店東:生意未受影響 我係sell服務、人情味

2017/4/25 — 17:03

有單車租用店的負責人指,租用單車計劃暫對其生意未有影響。

有單車租用店的負責人指,租用單車計劃暫對其生意未有影響。

智能租用單車服務GoBee.Bike女起試行,至今有5輛單車遭殃被丟進城門河,GoBee.Bike城巿策劃經理李淑澄昨質疑,有可能是有單車舖破壞,沙田區單車租用店的負責人彭先生昨對本網記者表示,不認為是單車店所為,「(如果)一揼揼哂,就係似單車舖,揼得一架兩架,都無力嘅,係咪呀?」

彭先生指,GoBee.Bike租用單車計劃暫對其單車店的生意未有影響,「服務唔同,我係sell服務,同埋sell人情味」。彭先生指,其租用單車店的服務較多,「架車較高較低、架單車有變速,呢架車唔啱,可以換過另一隻款,好多隻款揀架,有小朋友、大人,但佢(Gobee.bike)得一隻款」。

論收費,彭先生指其單車店的單車租用費是每輛一小時25元,但租用12小時則為50元,比Gobee.bike的半小時5元便宜,「計小時短,就佢抵啲,但係佢啲車就無咁好踩,因為無變速」。

廣告

另一間沙田單車租用店的負責人陳先生亦認為,自己單車租用店的服務較Gobee.bike優勝,「我哋舖頭,架車唔啱可以換,有人服待你較(座位)高矮」,相反GoBee.Bike沒有類似服務,對方的車更是「好低層嘅車,轉波都無,唔係好好嘅逼力」,認為其單車日曬雨淋,一定損耗得很快,「好快打殘」,所以陳先生認為新計劃對自己的生意沒太大影響。

陳認為,GoBee.Bike不應霸佔公共地方停放單車,又指單車泊位不可佔用超過廿四小時,質疑政府部門會否處理超時佔用單車位的單車。

廣告

他又指:「(GoBee.Bike)當駁腳可以,相對唔係對我哋有影響,對啲交通工具有影響。」

發表意見