立場新聞 Stand News

今年博愛醫院單車百萬行又推車,唔係掛?

2015/1/29 — 17:49

香港每年都有兩個需要封主要道路的公眾運動項目,最受大眾關注的當然是渣打馬拉松,如無記錯,另一個就是博愛醫院籌款的單車百萬行。

這項善舉我參加過兩年,前年在元朗天水圍的天影路。參加者可在指定時段,不論踩車資歷,可按其體能,隨意多次循環於選道上,自得其樂。

去年破天荒移師去世界第二最多的斜拉吊橋,昂船洲大橋橫跨亞洲最大貨櫃碼頭唯一出口,橋身提升離海面八十多公尺,雖然地標吸引,但限制多多,只可以踩一轉,十公里的路程差不多有一半路段只可推車,極之掃興,當晚投稿主場新聞,大發對大會安排不善的牢騷。

廣告

剛剛收到宣傳電郵,博愛醫院今年的單車百萬行再選道昂船洲大橋,相信大會收到不少對去年路程的批評,今年稍作調整。但我作為過來人,並唔覺得新安排可以滿足熱心參加者的期望。

大會聲稱今年路段有十三公里,甚為誤導。對踩單車來說,手推單車的路程應該唔算,據去年經驗,新路不足十公里,腳行都不嫌遠,可況踩單車。

廣告

同佢計下里數,報到站(美景遊樂場)到上大橋接駁斜路一公里,只准推車上到橋面的起踩點 1.3。上車踩入南灣隧道到出口折返位 1.7,入回隧道直去昂船洲大橋到青沙公路折回點 4.7。

啼笑皆非的地方就係剛剛踩順條氣,所有車手都要下馬抬車,經臨時木板榙建的台跨過分隔來回車道的石屎路躉。由於參加者衆多,情況非常狼狽。彌敦道、夏?道佔領時的跨躉木級,靈感可能來自此處。

過石躉後再上車踩只有2.4公里就返回大橋尾處,下橋一公里又係只可推車,到平路淨番 500m 你踩,跟著又要推 300m 去香港專業教育學院的嘉年華。全程 12.9 但真正上車踩的大概只有十公里。

踩單車比其他運動負擔較大,跨區往來不可以依靠公共交通,無私家車不行,熱心參加者來自四方八面,多數要長途跋涉駕車到青衣,可惜更不便的是附近泊車設施不足,頻撲一番不果的話,大家唯有自求多福,週街擺都唔會收到牛肉乾。

昂船洲大橋始終都係香港宏偉建築,平時唔會有機會親身上橋體驗,大家有興趣去襯下熱鬧未常不可。但我想勸熱愛風火輪的朋友不要期望過高,更希望當日天公做美,維港美景不被PM2.5霧霾所籠罩,出錢出力又傷心肺。

至於我,今年唔好搞,善款我會直接寄支票去博愛,筋骨方面,就約同道友好到郊外另覓適合車道。

發表意見