立場新聞 Stand News

排名世界前十仍無縁國際錦標賽 鄭子文轟空手道總會選拔不公 不滿港協姑息

2018/3/30 — 14:47

鄭子文 (體路圖片)

鄭子文 (體路圖片)

港協暨奧委會(下稱港協)早前放生屢被運動員投訴行政失當和選拔不公的空手道總會(下簡稱空總),雖然調查後證實投訴屬實,但港協在大會上仍然押後處理暫時取消空總會籍的議案,容許容總在一個月內提交改善措施。世界排名第7的空手道運動員鄭子文今早出席商業電台節目時批評港協的決定,「奧委會佢哋嘅決定,好似放生咗總會、畀機會總會,但調返轉,有無人畀機會我哋運動員呢?」。

鄭子文指,自己過去兩年本來是高峰期,世界排名維持在前10名,但因落選空總的選拔,未能出戰國際錦標賽,心情低落。他多次要求空總提供選拔賽果,但空總以「保護運動員私隱」拒絕公佈分數,「大家成績都出咗嚟,有高低之分,點解唔可以攞嚟做參考呢?但佢哋就好反對我,話無論你出面打成點唔關事。」鄭子文認為做法欠透明。

鄭子文又指,在評審制度中,教練本來不可以評審自己教授的學生,但在空總的一個比賽中,有教練評核自己的學生,空總事後不理會家長投訴。

廣告

《蘋果日報》又引述曾獲香港公開賽冠軍、目前全球排名14的周曦活指,原本憑其公開賽成績符合在體院接受訓練,但空總指她的成績未夠將她「踢走」,「總教練喺會議上好支持我、畀我繼續練習,但總會個邊嘅職員就唔係好支持總教練嘅意見,今個月訓練完咗,下個月就無得練」。

廣告

發表意見