立場新聞 Stand News

紋身背後必有意義

2016/10/3 — 13:42

圖左「萬人迷」碧咸;圖右為前利物浦中堅艾加。

圖左「萬人迷」碧咸;圖右為前利物浦中堅艾加。

足球場上好多「公仔佬」,有啲球員幾乎全身都被紋身覆蓋,萬人迷碧咸都係其中一位有代表性嘅「公仔佬」,佢甚至改變咗唔少人對紋身嘅睇法。

早排佢先喺Biotherm Homme廣告裡面,解構自己紋身的含義,當中每一個圖案都有一個故事,例如手指上嘅「99」意指當年為曼聯取得三冠王成就,以及與維多利亞結成夫妻嘅紀念日子、腰間位置亦刻上「生死有命、富貴由天」呢啲有意思字句等等……

除碧咸,前利物浦後衛艾加亦係球迷熟悉嘅「公仔佬」,佢唔單止全身刻上紋身,自己亦係一位紋身師,佢身上嘅紋身同樣充滿意義:手上關節位刻上嘅「Y.N.W.A」正係利物浦嘅名句縮寫,以表示佢對利物浦嘅忠愛;背部亦都刻上不少關於成長地-丹麥嘅傳說或歷史,喺佢眼中,紋身可能係一種表達情感嘅最好方法。

廣告

當然亦都有啲「非公仔佬」嘅足球員因不同原因而紋身,最深刻嘅一個紋身係阿仙奴後衛贊堅遜,手臂上印有一句歌詞,用意為紀念經常唱呢首歌俾自己聽嘅爺爺。

每個紋身背後都有當中意義,用圖案說故事,並非一定只係在於美觀,只有保守嘅人先會認為紋身就係壞孩子嘅象徵。

廣告

 

原刊於足球說故事

發表意見