立場新聞 Stand News

能夠搵到一班好戰友 人生已無悔

2016/5/4 — 14:45

熱刺失分後,李斯特城提早奪得2015/16英超冠軍。李城一眾球員在前鋒華迪家中收看賽事。(圖片來源:李城 facebook)

熱刺失分後,李斯特城提早奪得2015/16英超冠軍。李城一眾球員在前鋒華迪家中收看賽事。(圖片來源:李城 facebook)

過去一直FF李斯特城奪嗰一刻時嘅情況會係點樣。

完場一刻,係會全場李斯特城球迷湧落場一齊瘋狂興奮?球員相擁而泣,繼而一同登上頒獎台上高舉獎盃?然後回到中圈開香檳、拍照影團隊相、繞場一週等等奪冠時指定動作?

然而,現實中,一樣都冇發生。我哋只從富治斯FB影片之中,見到一眾球員喺華Dee 屋企慶祝嘅情況。

廣告

一班人對住電視屏幕we嘩鬼叫,就係李斯特城奪冠一刻嘅畫面。

廣告

一個從來都冇FF 過嘅畫面,簡單得嚟,又夠特別。一班手足,換上便服,去隊友屋企,食下嘢、吹下水,睇下波,等夠鐘,一齊喺電視機面前見證呢個歷史時刻,幾乎同所有球迷一樣,惟一唔同,佢哋先係主角。

有時喺到諗,唔知佢哋喺場外嘅關係,係咪同場上一樣,咁團結咁友好?定抑或除咗比賽時候,其他時間都係各自各精彩?喺呢張相入面,或多或者顯出答案,佢哋之間嘅關係,係more than teammate。

來年陣容必然有變,有新血加入,或有舊人離開,無論當中有多少離合,彼此心裡都會記得呢個冠軍係靠大家一齊贏返嚟。過咗幾多年都好,他日在餐廳再聚,呢年發生嘅所有事,都會成為話當年嘅窩心情節,叫人憶起當日共渡患難嘅日子。

既懷念,又熱血。

能夠搵到一班好戰友,人生已無悔了。

望住佢哋,我忽然諗起自己中學/大學嘅隊友,唔知你又有冇呢種感覺?

Sky Sports的李城球員在華迪家中睇波和慶祝片段:

原刊於足球說故事

發表意見