立場新聞 Stand News

過咗去就唔好再提

2015/9/13 — 20:29

( 圖片來源:皇家馬德里網站 )

( 圖片來源:皇家馬德里網站 )

平日有個壞習慣,就是比賽過後,總是不斷回想及提起自己在場上錯失了或差小小把握到的黃金機會。

「唉呀,SORRY呀,你個球傳得好靚,但我把握唔到...」
「唉,差小小,你比得好靚架啦。」
「SOR呀,把握唔好,曬咗你球靚波。」
「今日唔知做乜,唉....」

說出來,感覺像認錯,這種自我問責好像能為自己的「罪名」減輕不少,從而令自己的心好過一點,我是個非常執著的人,好在意自己每一次的埋門,可惜射門質素真的非常有限。

廣告

直到昨日.....

我:「唉呀,對唔住呀,又差小小,好多機把握唔到....」
友人:「過咗去,就唔好再提喇,下場,入咗佢。」

廣告

說罷,頭也不回,瀟灑走前路。

那刻,我腦裡「叮」了一聲,好像明白了甚麼。其實再執著、再回望、再抱怨、再替自己不值,都已經完場了,怎樣也改變不到比數。那刻如何努力地思索,都不會想到錯失的原因,而無止境地嗟嘆,只會令自己繼續陷入自我責備的狀態,愈踩愈深,愈來愈無信心,所以每當我浪費了一次黃金機會,我會好激動、好緊張、好懊惱,而當再有多一次黃金機會時,我會害怕自己會再次射失,結果又一次失準,不斷循環,那時只會令自己萬劫不復。

我要承認我不是LORD或者C朗般有超強信心,我心理質素其實好差。

跟一些前輩踢波,賽前他總會不斷跟我重覆:「落到場唔好諗咁多,簡單啲,失咗波、射唔入,算,唔好再諗,下球再黎過。」

不斷嗟嘆,除了覺得可惜之外,根本不會令自己個心好過一點,甚至令自己愈諗愈多。要是執著地回望當初的失敗,倒不如放開懷抱,讓過去的過去。作為射手,你總要時刻保持樂觀、正面、有鬥心的作戰狀態,向對手展現出你充滿信心的樣子,沒信心和害怕的話,即使面前空龍,都會一碼飛機。

以前,每當我嗟嘆一句,朋友都是微笑或和應:「唔緊要啦。」而原來要清醒,真的要說出口,讓他知道。

「過咗去唔好再提!」

足球,不只是一門運動,有時候也能成為訓練自己心理的關口。希望,我真的明白,不要在下一次,又見我故態復萌。

 

原刊於作者 facebook page

發表意見