立場新聞 Stand News

飛魚在江湖 — 寄語歐鎧淳

2018/8/28 — 19:29

歐鎧淳,圖片來源:歐鎧淳 facebook

歐鎧淳,圖片來源:歐鎧淳 facebook

歐小姐,真係好醒目、好叻。

運動員要搵食,明,所以成個泳隊集體出嚟譴責「某傳媒」失實報道、斷章取義,仲要保留追究權利等等。

到發現群情洶湧,唔理你咩星級運動員、女神,亞運成績有幾好,香港人對呢種是非不分、包庇總會盲目指控,真係唔收貨,又決定要「站出來」發聲。

廣告

原來,你唔係包庇維護任何人、任何組織。

原來,你只係為一個朋友出聲。

廣告

原來,你都覺得教練呀、泳總要交代。

而,失實報道呢?斷章取義呢?保留追究權利呢?去曬邊?

據你講,你當日係「準備不足」、「無預計外界反應咁大」,哈,係咩?大家睇到嘅,係你當日醒目地跟大隊,今日又好醒目地率先行出嚟同泳會切割,「唔關我事㗎,我幫朋友咋」,仲配埋張圖文不符嘅靚相。

係,你真係好醒,不過香港人都唔係蠢到呢個地步,唔會睇唔出,咩係左右逢源,佔了便宜又賣乖。

對於運動員付出汗水,從來尊重同肯定,香港運動員條路好難行,政府也好、總會也好都係一擔擔,人在江湖有時身不由己,但當事情離譜到一個地步,香港人會期望,運動員可以勇敢、正直,正如喺運動場上表現一樣。

 

(標題為編輯所擬,原刊於作者 Facebook

發表意見