立場新聞 Stand News

【體操世界盃.有片】石偉雄新動作提升ㅤ首膺世界盃冠軍:「呢一塊獎牌我等咗 10 年!」

2019/5/27 — 12:31

石偉雄

石偉雄

【體路專訊】香港「跳馬王子」石偉雄於香港時間 27 日凌晨,出戰克羅地亞舉行的體操世界盃跳馬決賽,最終憑新動作「笠松轉體 270 度後空翻兩周」跳出 14.734 的成績,首次奪得世界盃冠軍。賽後他直言:「呢一塊獎牌我等咗 10 年!」

石偉雄自去年雅加達亞運會成功衛冕後,這位港將一直鑽研新動作「笠松轉體 270 度後空翻兩周」,他坦言於今次世界盃上以新動作出戰壓力頗大,但他於今屆賽事表現穩定,初賽亦以首名身分晉入決賽。決賽上,「石仔」首跳跳出 14.667 分,落地稍有差誤;其後第二跳他作出修正下,跳出 14.8 的高分,助他以 14.734 分、力壓意大利選手奪得金牌。

廣告

「石仔」賽後於分享感受,指以往總與世界盃獎牌擦身而過:「由 2009 年開始一直比世界盃,每次都同獎牌無緣,每次都係 4、5、6、7、8(名),次次都差少少,今次終於可以拎到世界盃冠軍,呢一塊獎牌我等咗 10 年,今年終於可以拎到啦!」他表示首次以新動作出場下,壓力頗大,「雖然做到新動作,但仲有好多嘅瑕疵,嚟緊會繼續努力改善,希望下次會做好啲,除咗動作嘅 upgrade,Title都終於可以 upgrade 啦,好多謝我嘅教練 Sergiy Agafontsev,屋企人,裁判專業嘅意見,體院嘅治療師、體能教練、營養師等等,幫助我嘅每一位同事,同埋總教練同總會嘅配合。」

廣告

成為跳馬世界盃冠軍後,「石仔」將繼續改善技術,之後會轉戰斯洛文尼亞世界盃,同時盼力爭年底世錦賽上獲得東京奧運資格,繼 2012 倫敦奧運後再戰奧運會。

 

圖:網上圖片
原刊於體路

發表意見