立場新聞 Stand News

現實版《超級機械人大戰》 美日機械人為榮譽而戰

2015/7/8 — 21:30

史上第一次機械人大戰即將爆發(好似係)!我講緊嘅並唔係萬代(BANDAI)經典電子遊戲《超級機械人大戰》,而係近日在網上炒得熱烘烘嘅美日巨型機械人決鬥。

係咁嘅,最近美國大型機械人製作公司MegaBots研發咗一部能夠發射時速120英里顏色彈嘅機械人,並且向日本水道橋重工發出挑戰書,希望同日方嚟一次「華山論劍」。

日本貴為一個機械強國當然要不失霸氣地應戰!喺咁強勁「外國勢力」挑機嘅情況下,水道橋重工CEO倉田光吾郎派出比「攞你命3000」更加攞命嘅機械人KURATAS出戰為國爭光。但係由於KURATAS只能夠發射格林機關炮..... 吖唔係......係BB彈嘅關係,咁樣對戰發實行輸九條街兼冇晒飛士,所以倉田光吾郎就避重就輕提出以雙方都唔在行嘅格鬥!即係隻揪隻方式進行比賽,實行唔撞死你都壓死你!

廣告

究竟最後係美國贏定係日本贏呢?我唔直接答你,因為仲有成年時間先開波,到時咪等埋發叔一齊睇結果囉!

p.ssss. 編輯話要加番CCTV以後報日本擴軍唔使淨係用高達相喎。

資料來源 : Unwire
Now新聞 
圖: Magabots

廣告

原刊於場邊故事

發表意見