朝雲

朝雲

左膠

2019/1/27 - 17:14

前學苑總編告誡「蒼傲」:問題唔止喺立場,而係基本嘅 quality 都冇

朝雲 攝

朝雲 攝

21-24/1 香港大學 諮詢大會圖集

「蒼傲」鄭鎮熙:冇參加傘運,因為「從來唔做違法嘅事」、「害怕被捕」
劉以正告誡:問題唔止喺立場,而係基本嘅 quality 都冇

✽ ✽ ✽

廣告

臨近周年大選(28/1-1/2),主要由現屆學生會成立的專責小組,攜千五名學生簽名予校方,兼以公投並進,要求修改規程,不再由校監(特首)委任校委會主席,應由校委會自決,並須參酌學生意見。

校友關注組葉建源表揚學生鍥而不捨,解釋建議毋須上立法會修例,校方不應再以繁複推諉。


21/1 首日諮詢大會,前學苑總編輯劉以正提問過後告誡「蒼傲」:

「其實張(信一)同學你個人點諗,可以留番俾自己。你要記住,你而家參選香港大學學生會中央幹事會。假若你當選,你要做嘅係帶領香港大學嘅學生。你只要講出內閣嘅立場就 OK。台下會眾冇乜興趣知道你同楊利偉嘅交流。」

「好多問題都睇得出候選內閣對香港政局嘅理解非常之淺。你哋連 DQ 咗嘅議員點解被 DQ,持有咩立場都唔知。」

「你哋唔認同佢哋立場唔緊要。問題係你哋參選香港大學學生會,你哋要知道學生會一路以嚟同香港社會運動嘅發展史,喺香港政治擔當乜嘢位置 — 擔當住一個先聲嘅角色;擔當住帶領同學帶領大眾,提出社會唔係好多人接受嘅理念。可能好多人反對,但佢哋有條件真誠咁相信理念,所以佢哋企出嚟,代表學生去發聲。」

「香港大學嘅學生,甚至香港依個時候,唔需要一班講乜嘢尊重主流民意嘅人。尊重主流民意冇問題,可以選擇去做其他嘢。但香港大學以至而家香港,更加需要一班人勇於發聲。而唔係咩事都戴好多頭盔,不斷轉彎抹角,一方面話香港可以自決;另一方面又話香港係中國不可分離嘅一部份,再問就支吾以對。」

「固然好多人認為你哋立場有問題,但更大嘅問題係你哋對香港嘅了解不足夠;對學生會架構嘅了解不足夠。憑乜嘢出嚟選,憑乜嘢畀選民信心,可以交託畀你哋?」

「我唔希望用陰謀論猜測你哋背後有咩勢力,有咩人想利用你哋做乜嘢。但作為學生代表嘅基本  quality,你哋全部都冇呀。」

「今日係第一日諮詢大會,可能你哋唔習慣咁多人用好嚴厲嘅態度對你哋。希望你哋嚟緊四日好好做功課。如果你哋唔做嘅話,我可以同你哋講,你哋只會得到更加多、更加多、更加多嚴厲嘅問題。」


24/1 第四日諮詢大會,有學生問到 Year 5 的鄭鎮熙,應該在傘運之際甫進大學,當時有否參與傘運,中學時又關心什麼社會議題。

鄭答他沒參加傘運,因為他「害怕被捕」,「從來唔做違法嘅事」。「蒼傲」既不鼓勵也不會帶領學生違法。

至於中學時他關心的事情就是「可唔可以考入大學」。

提問學生澄清是問「社會議題」。鄭答「冇」,重申中學時只關心能否考入大學。

鄭補充說,他現在關心同學的自殺問題。「如果我哋有幸當選,應該帶領同學面對依啲問題,而並非一啲政治問題。」他說不是不面對政治,但謂今年學生會應該著重內務和民生。

另一學生不屑地批評鄭鎮熙,無法答出港大學生會的會訓「團結一致,獨立自主」,需要李鎔津代答。

他進而提醒鄭,港大學生會憲章第二條 C 部交代了學生會的責任:to identify the student body with social issues in the interests of the people of Hong Kong。


諮詢大會圖輯

「一人莊」麥嘉晉的宣傳單張

「一人莊」麥嘉晉的宣傳單張

 

(標題為編輯改擬,原刊於作者 Facebook